सुनसरी। नेपाली बजारमा सोमबार सुनचाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार सोमबार सुनको मूल्य तोलामा १३ हजार ४०० रुपैयाँले घटेको हो।
आइतबार तोलामा ३ लाख रुपैयाँमा कारोबार भएको छापावाल सुन सोमबार घटेर २ लाख ८६ हजार ६०० रुपैयाँ कायम भएको महासंघले जनाएको छ। यसअघि बिहीबार सुनको मूल्य तोलामा ३ लाख ३९ हजार ३०० रुपैयाँसम्म पुगेको थियो, जुन हालसम्मकै उच्च मूल्य हो। तर त्यसयता सुनको मूल्य निरन्तर घट्दो क्रममा देखिएको छ।
यसैगरी चाँदीको मूल्य पनि घटेको छ। आइतबार तोलामा ५ हजार ५०० रुपैयाँ रहेको चाँदी सोमबार घटेर ५ हजार २०० रुपैयाँ कायम भएको महासंघले जानकारी दिएको छ।