सुनसरी- झुम्का कारागारबाट फरार भएका कर्तव्य ज्यान मुद्दाका एक कैदीलाई प्रहरीले पक्राउ गरेको छ। पक्राउ पर्नेमा इटहरी उपमहानगरपालिका–४ निवासी २२ वर्षीय अनिष मगर रहेका छन्।
प्रहरीका अनुसार मगरलाई मोरङको सुन्दरहरैँचा नगरपालिका–५ स्थित गैरीगाउँ क्षेत्रबाट नियन्त्रणमा लिइएको हो। उनी अदालतबाट कर्तव्य ज्यान मुद्दामा दोषी ठहर भई २५ वर्ष कैद सजाय भुक्तान गरिरहेका थिए।
गत भदौ २४ गते झुम्का कारागारमा भएको आन्दोलनका क्रममा मगर फरार भएका थिए। फरारपछि उनको खोजी तीव्र बनाएको प्रहरीले अन्ततः उनलाई पक्राउ गर्न सफल भएको जनाएको छ।
पक्राउ परेका मगरलाई आवश्यक कानुनी प्रक्रिया पूरा गरी पुनः कारागार चलान गर्ने तयारी भइरहेको प्रहरीले जनाएको छ।