ईनरुवा — नेपाली काँग्रेस सुनसरीले जेनजी पुस्ताको आन्दोलनका क्रममा देखिएका अराजक गतिविधिमा संलग्न सदस्यहरूको पार्टी सदस्यता नवीकरण नगर्ने निर्णय गरेको छ। बुधबार बसेको जिल्ला कार्यसमिति बैठकले सरकारी तथा निजी सम्पत्तिमा गरिएका आगजनी, तोडफोड र लुटपाटजस्ता घटनामा संलग्न कार्यकर्ताहरूको नाम वडास्तरमै संकलन गरी नवीकरण प्रक्रिया रोक्ने निर्णय गरेको हो।
जिल्ला सभापति केदार भण्डारीका अनुसार हिंसा उचाल्ने, उक्साउने वा प्रत्यक्ष रूपमा संलग्न व्यक्तिहरूलाई पार्टीले कुनै प्रकारको प्रोत्साहन नदिने स्पष्ट नीति लिएको छ। सभापति भण्डारीले वडास्तरीय कमिटीहरूलाई २१ गतेभित्र घटना–संबद्ध सदस्यहरूको नामावली तयार पारेर पार्टी कार्यालयमा बुझाउन निर्देशन दिएका छन्।