इनरुवा- कोशी प्रदेशका पूर्वमुख्यमन्त्री भीम आचार्यका निजी सचिवसमेत रहेका राजधामीलाई बिहीबार साँझ धरानमा एमालेकै कार्यकर्ताहरूको समूहले आक्रमण गरेको पुष्टि भएको छ। घटनामा युवा संघ कोशी प्रदेश इञ्चार्ज दिवस राई तथा धरान–१० का वडाध्यक्ष विवेक राई नेतृत्वको समूह संलग्न भएको प्रत्यक्षदर्शीहरूले बताएका छन्।
आक्रमणपछि राजधामी घाइते भएका थिए। अन्य कार्यकर्ताहरूले तत्काल उद्धार गरी उनलाई बिजयपुर अस्पताल पु¥याइएको थियो। प्राथमिक उपचारपछि डिस्चार्ज भएका राजधामी अहिले घरमै आराम गरिरहेका छन्।
पार्टी स्रोतका अनुसार महाधिवेशनका लागि युवा प्रतिनिधि चयनमा सहमति खोज्ने प्रक्रिया चलिरहेका बेला राजधामीले “निर्वाचनमार्फत मात्र प्रतिनिधि तय हुनुपर्छ” भन्ने अडान राखेपछि दुवै पक्षबीच तनाव बढेको थियो। यही विवादले अन्ततः कुटपिटमा रूप लिएको बताइएको छ।
पछिल्ला दिनहरूमा एमालेभित्र अध्यक्ष केपी शर्मा ओली र वरिष्ठ नेता ईश्वर पोखरेलबीचको प्रतिस्पर्धा तीव्र बन्दै जाँदा कार्यकर्ता समेत धारमा विभाजित देखिन्छन्।
राजधामी सुनसरीको युवामाझ लोकप्रिय, सहज र मिलनसार नेताका रूपमा परिचित मानिन्छन्। पार्टीभित्रको आन्तरिक मतभेद हिंसामा रूपान्तरित भएको यस घटनाप्रति स्थानीयस्तरमा समेत असन्तोष छ।