काठमाडौँ —
बिहीबार गृह मन्त्रालयमा आयोजित विशेष समारोहमा गृह सचिव रामेश्वर दंगालले कार्कीलाई दर्ज्यानी चिह्न लगाएर औपचारिक रूपमा प्रहरी प्रमुखको जिम्मेवारी हस्तान्तरण गरेका हुन्।
मन्त्रिपरिषद्ले सोमबार नै कार्कीलाई नेपाल प्रहरीको ३३औं आईजीपीका रूपमा नियुक्त गरेको थियो। पूर्व आईजीपी चन्द्र कुवेर खापुङ ३० वर्षे सेवा अवधि पूरा गरी अवकाश भएपछि नेतृत्व परिवर्तन भएको हो।
२०५४ चैत १८ मा इन्स्पेक्टरका रूपमा प्रहरी सेवामा प्रवेश गरेका कार्की अनुशासन, कमाण्ड क्षमताका लागि परिचित मानिन्छन्।
प्रहरी ऐन र नियमावलीमा कुनै संशोधन नभए कार्कीको कार्यकाल २०८४ चैत १७ गतेसम्म रहनेछ।
दर्ज्यानी चिह्न लगाइसँगै आईजीपी कार्कीले बिहीबारदेखि नै संगठनको सम्पूर्ण कमाण्ड सम्हाल्न शुरू गरेका छन्।